Monday, November 15, 2010

महसुस


दर्पण हेर्दाहेर्दै बुढो भईएछ
दौरा फेर्दफेर्दै बुढो भईएछ

आएरनी जवानी गयो नपर्खी
ख्याल गर्दागर्दै बुढो भईएछ

सादा रहेछ जीन्दगीको पाना
रङ्ग भर्दाभर्दै बुढो भईएछ

कतै माया बैंसको कतै पैसाको
रुमाल भिर्दाभिर्दै बुढो भईएछ

आउलाकी कोहित,बैरांगिको साथ
बाटो कुर्दाकुर्दै बुढो भईएछ

Monday, November 8, 2010

शन्देस

बिन्ति छ है घर सम्झी फिर लाहुरे हो
बिचारको लगाम अब भिर लाहुरे हो

बुढा बा र बुढी आमा जहान बाक-बच्चा
बगाउँदोहो आँखाबाट नीर लाहुरे हो

लाग्दैनर आफ्नै माटो प्यारो तिमीलाई
नभुलहै बहादुर,ए बीर लाहुरे हो

गाँस मिठो तिम्रो होइन पिठोमाछ जीवन
गुलामिमै नाझुकाउहै शीर लाहुरे हो

चुहिंदैपो छकी कतै भत्किएर घरको धुरी
अभावको रातहरु चिर लाहुरे हो