Wednesday, June 27, 2012

भो नगरौं

भो नगरौं त्यो रहरका कुरा
सपना बिथोल्ने प्रहरका कुरा

दिनदहाडै जो लुटीरहेछ जीवन
भो नगरौं त्यो शहरका कुरा

डसिरहेछ मान्छेले मान्छे त्यहाँ 
भो नगरौं त्यो लहरका कुरा

बदलिनु पर्छ जाली यो दुनिया
भो नगरौं त्यो जहरका कुरा  

Thursday, June 14, 2012

सुरु भाको छ

सुन नौलो खेल सुरु भाको छ
फेरी जल-झेल सुरु भाको छ

भन्थें शोषण किनार लागिसक्यो
दमनको भेल सुरु भाको छ

झार्न खोज्छन यी सस्थाको फूल
त्यो आंधी अचेल सुरु भाको छ

पार्नलाई जनहरु फेरी पिजडामा
त्यहाँ ठेलम-ठेल सुरु भाको छ

फेरी मुट्ठी उठाऊ ए योद्धा हरु
सासकको मेल सुरु भाको छ  
 

Friday, June 8, 2012

अप्रिय साँझ

कथा पुरानो भईसक्यो
समय धेरै बितीसक्यो
तर,बेखबर छ ऊ
दिन ढल्यो रात गल्यो
औला भाचीरहेछन
जनहरु र भन्छन
खै त मनुज?
अनुत्तरित छन् ई सवालहरु
आमा आधार भिजाएर साँझ-विहान
एकमुठी आश साँचीरहेकिछिन
भनिन्छ कुनै साँझमा
हरायथ्यो ऊ
कहाँ-कहाँ खोजिएन उसलाई
न कुनै प्रतिविम्व छ उसको
छ त मात्र सम्झना
मनुज ऊ एक मानव
भन्थ्यो ऊ
धेरै जान्दिन झुट मान्दिन
चढाउँछु शिर कायर वन्दिन
मुक्ती पाउनुछ सर्वहाराले
हो त्यो साँझ
पक्षपाती थियो
जनघाती थियो
आज खोजिरहेछ युगले उसलाई
खोजि रहेछ...